كيف أنسق موضوعي؟؟

كيف تنسقي الموضوع؟
في البداية.....أحب أرحب بكل الأخوات وأشكرهن علي ثقتهن في المنتدي وتفضلهن بالتسجيل والمشاركة فيه
جزاكن الله خيرا حبيباتي........وعايزة كل واحدة فيكو تعتبر نفسها في بيتها لأن اللي هنا فعلا كلهم اخوات الحمد لله
ولأني عارفة إن في بعض الصعوبات في تنسيق الموضوعات وزي ما ظهر في بعض المشاركات حتي في مشاركاتي الاولي حبيت أكتبلكو الموضوع ده وبإذن الله ييسر حاجات كتير واللي عندها أي استفسار تسألني وان شاء الله أقدر أفيدها
ندخل بقي في الموضوع
1. حبيتبي....انتي هتدخلي علي القسم اللي انتي عايزاه أو الموضوع اللي عايزة تردي عليه وتعملي اضافة موضوع أو رد علي الموضوع حسب ما انتي عايزة
2. هتلاقي المربع اللي هتكتبي فيه المشاركة بتاعتك وبعدين تظليليها كلها باستخدام ctrl+A وتبدي تنسقي
3. وفي أعلي مكان في المربع ده هتلاقي الادوات...والادوات دي بالترتيب كالتالي

· اول سطر علي اليمين...حرفB وده معناه انه هيكبر سمك الكلام وبتفعليه لما تضغطي ليه ويتظلل...عايزة تشيليه اضغطي عليه لحد ما التظليل يروح

· Iحرف الاي المائل....هذا الرمز يجعل الكلام مائل كالتالي (أحبكِ في الله ) وده برده زي الرمز اللي فات لما يكون متظلل يبقي متفعل ولما يكون مش متظلل يبقي مش مفعل ....وزي ما قلتلك حسب ضغطك عليه

· U....وهذا الرمز يضع خطا تحت الكلام كالتالي ( أحبكِ في الله) وده برده زي الرموز اللي قاتت

· S بس بيكون عليها خط .....وده معناه ان الكلام هيبان كانه مشطوب عليه

· بعد كدة هتلاقي خيارات ان الكلام يكون في وسط الصفحة أو علي اليمين أو اليسار

· وبعدين خيارات ان الكلام يبقي مرقم أو منقوط زي ما انا عاملة كدة

· بعد كدة...هتلاقي علامتين للمحادثة دي علشان تعملي اقتباس من مشاركة اختك وتردي عليها ....خلي بالك يا حبيبتي احنا لسة في السطر الاول

· بقيت الرموز كلها لملفات مرفقة ....يعني مثلا فيديو ...صورة....ملف صوتي...فلاش...زي ما تحبي

· ننزل بقي للسطر التاني......اوله فيديو تبع الملفات المرفقة وبعدين 2 حرف A ورا بعض....ده بتاع حجم الخط ...ونصيحة من أختك سيبية للآخر خالص وانتي بتنسقي

· بعدين...مربعات ملونة ودي طبعا بتاع ألوان الجمل والكلمات....وخلي الالوان وانتي بتنسقي اول حاجة علشان تعرفي تنسقي براحتك....يعني كل جملة بلون أ, كل كلمة....برده زي ما تحبي

· الرمز اللي بعده...A لوحدها ده بتاع نوع الخط

· باقي الرموز ..........مش هخبي عليكي ....انا لحد دلوقتي مش عارفة استخدمها

بعد ما تخلصي تنسيق...اعملي معاينة...وارجعي للنص اللي بعتيه تاني.....ممكن تلاقي بعض حاجات زيادة زي حرف بي أو أي .........امسحيهم قبل ما تعملي ارسال ....بس متمسحيش الsize أو center
ونصيحة مني.....لو عندك موضوع طويل اعمليه علي جهازك الاول وبعدين انسخيه في المشاركة الجديدة.....هيسهيل عليكي كتير بإذن الله

يللا ...ورينا همتك في الدعوة إلي الله وإفادة أخواتك.....نفع الله بكِ وأثابكِ الجنان

ويا رب تقضي معانا وقت يسعدك وتاخدي منه حسنات علي اد ما تقدري
ومرة تانية بقولك.....انتي في بيتك وسط اخواتك....فلا كلفة ولا حرج