حال الكثير من الشباب وأنا منهم

الحمد لله والصلاة والسلام على رسول الله صلى الله عليه وعلى آله وصحبه وسلم وبعد

أحبتي في الله

هذا جزء من حوار دار بيني وبين احد الشباب عبر الإيميل

فترى مم يشكو.....

...............: السلام عليكم ورحمة الله وبركاته
husseiny23: وعليكم السلام ورحمة الله وبركاته
..........: ازيك يا اخي الحبيب
..........: عامل ايه
husseiny23: كيف حالك ياصديق
husseiny23: الحمد لله يامدير
..........: كنت عاوز اتكلم معاك شويه
..........: عندك وقت؟؟؟؟؟
husseiny23: دوس
..........: لو مش فاضي دلوقتي اكلمك وقت تاني
..........: اصل انا عاوز اعدة
husseiny23: مالك
husseiny23: قول لأخوك
..........: العملية بايظه معايا على الاخر
..........: كل يوم اضعف عن اللي قبله
..........: حاسس اني بفرط في حاجات كتير
..........: لما يفوتني شيئ مش بزعل عليه زي الاول
..........: حاسس اني مقصر ومع ذلك مش بحاول اصلح نفسي
..........: حاسس اني الشيطان بيتغلب عليا في حاجات كتير
: والدنيا وخداني اوي
: مش عارف ليه
: مش بذاكر
: ولا بروح الكلية
: ولا بفهم حاجه
: ولا حتى عارف اشتغل
: انا ضااااااااايع
: حاسس اني عصبي اوي و مش بستحمل حاجه
ومش بركز
: ومخنوء اوي طبعا
: في معهد خاص المفروض اني ابعتله منهج معين
: عاشان هدرسه هناك
: ولسه لحد اليوم معملتش حاجه
: مش عارف اعمل حاجه
: انهاردة وانا ماشي في الشارع
رايح اصلي العصر
كنت متاخر طبعا
والله فكرت في حاجات غريبة
مش عارف ليه
بس كنت حاسس اني فعلا حياتي ملهاش
اي قيمه
باكل وبشرب وبنام
حتى فرض ربنا مش عارف اعمله صح
husseiny23:أنا من شهر كنت زيك بالضبط
husseiny23: أوصيك بأمرين
husseiny23: أولا الدعاء
husseiny23: ثانيا الدعاء
husseiny23: النبى بيقول فى الحديث
husseiny23: لكل مؤمن فترة
..........:بس دي كده انتكاسة مش فترة
كنت صايم اليوم
لما جيت افطر
هو دعاء واحد اللي قلته
يارب اهديني انا مادرش لكن انت تقدر
ده اللي عرفت اقوله
مش عارف حتى ان كانت خرجت من قلبي وللا منين
husseiny23: لكل عمل شرة ولكل شرة فترة فمن كانت فترته على سنتى فقد اهتدى
husseiny23: أو كما قال صلى الله عليه وسلم
husseiny23: واعلم أن الشيطان لايأتى إلا للمؤمنين لان العصاة هم غارقون فى معاصيهم
husseiny23: أما المؤمن فيريد له الضلال
husseiny23: ويقول تعالى على لسان إبليس اللعين
husseiny23: فبعزتك لأغوينهم أجمعين إلا عبادك منهم المخلصين
husseiny23: ويقول تعالى إن كيد الشيطان كان ضعيفا
husseiny23: فأكثر من الدعاء
husseiny23: واعلم أن الدعاء هو سلاح المؤمن
husseiny23: فإن الله يريدك أن تلجأ إليه وأن تقف بين يديه وتدعوه جل شأنه
husseiny23: واكثر ايضا من الاستعاذة من الشيطان الرجيم
husseiny23: وأوصيك بقراءة سورة البقرة على الماء وان تشرب وتغتسل منها
husseiny23: وأوصيك أيضا بأذكار الصباح والمشاء
husseiny23: المساء
husseiny23: لحظة
..........:افعل ان شاء الله
لعل الله ان يهديني
بس انا فعلا حاسس اني مختلفش اي حاجه عن اي شخص ضايع
مش لاقي نفسي في اي حاجه
husseiny23: كلنا ذلك الشخص
..........:ببص في المراية والله حاسس ان الوجه اللي بشوفه عمره مسجد لله سجدة
husseiny23: من أمن على نفسه النفاق
husseiny23: فهو أحد المنافقين
..........:ربنا يسترنا
husseiny23: يقول عمر وهوعمر لما سمى رسول الله المنافقين ل حذيفة بن اليمان
husseiny23: هل سمانى لك رسول الله فى المنافقين
husseiny23: سبحان الله
husseiny23: وكان الصحابة كل منهم يخشى على نفسه النفاق
husseiny23: يقول تعالى فى الحديث القدسين
husseiny23: القدسى
husseiny23: لاأجمع على عبدى خوفين ولاأمنين فمن خافنى فى الدنيا أمنته يوم القيامة ومن أمننى فى الدنيا روعته يوم القيامة
husseiny23: ويجب على المرء دائما الا يكون راضيا عن نفسه
husseiny23: فهذا دأب الصالحين
husseiny23: ويجب عليك أن تحاسب نفسك دوما
husseiny23: لكى تخفف عن كاهلك الحساب يوم القيامة
husseiny23: وبالنسبة لامور الدنيا
husseiny23: اجتهد شوية
husseiny23: وجدد النية
husseiny23: فنحن نريد مهنة كذا
husseiny23: الثقة العدل الخبرة
husseiny23: الذى يفيد المسلمين بكل ماهو جديد
husseiny23: وضعه حافز نصب عينيك
husseiny23: أنك تجنهد فى دراستك من أجل رضا الله أولا ثم نفع المسلمين
husseiny23: وضع الاخرة والموت نصب عينيك
husseiny23:يقول النبى صلى الله عليه وسلم: (من كانت الدنيا همه فرق الله عليه شمله وجعل الله فقره بين عينيه ولم يؤتيه من الدنيا إلا ماقدر له منها,ومن كانت الآخرة همه (جمع الله عليه شمله وجعل الله غناه بين عينيه وأتته الدنيا وهى راغمة
فسبحان الله العظيم تكفيه عبادة يغنيك فى دنياك سبحانه إذا كان الكافر يرزقه ويغدق عليه من نعمه فما بالك بالمؤمن التقى الذى يحب ربه
واعلم أيضا أن المؤمن يسير إلى الله بجناحين هما الخوف والرجاء كما قال تاج رأسى الشيخ محمد حسين يعقوب نقلا عن الامام القيم بن القيم
فإذا مالت الكفة فى أحد الكفتين فيجب عليك موازنتها وبالنسبة لك إذا كنت قانط فابحث عن الرقائق التى تلين قلبك وتحببك فى ربك عز وجل واعلم أن التوبة تمحو ماقبلها
لما جاء عمرو بن العاص رضى الله عنه إلى النبى صلى الله عليه وسلم ليدخل فى الاسلام اشترط على النبى شرط لكى يدخل الاسلام الا وهو أن يغفر له ماقبل الاسلام وايام الجاهلية فقال له نبى الرحمة أما علمت ياعمرو أن الاسلام يجب ماقبله. فسبحان الله
(ليس ذلك وفقط بل إن التائب يبدل الله سيئاته إلى حسنات يقول تعالى (إلا الذين تابو وآمنوا وعملوا الصالحات فأولئك يبدل الله سيئاتهم حسنات وكان الله غفورا رحيما
والله تعالى يفرح بتوبة العبد
ويضرب النبى مثلا رائعا للصحابة لفرحة الله بتوبة العبدفيقول( بينما رجل مع راحلته فى الصحراء وحر شديد وإذ الرجل يجد ظل شجرة فنزل من على راحلته ليستريح وإذ بالناقة تفر وعليها طعامه وشرابه فاستلقى عند الشجرة لينتظر الموت ونام فلما استيقظ من النوم إذ براحلته عند رأسه وعليها طعامه وشرابه فقال من شدة الفرح اللهم أنت عبدى وأنا ربك فعلق النبى قائلا أخطأ من شدة الفرح فلله أفرح بتوبة عبده من هذا الرجل براحلته
فالله يفرح بتوبة العبدويحب مناجاة العبد له فلا تجعل ياأخى للشيطان عليك سبيلا واعلم أن العصمة ماتت يوم مات رسول الله ولكن إذا أذنبت فبادر بالتوبة فلايعلم المرء بماذا يختم له
رزقنى الله وإياك حسن الختام
واعلم أنك طالما تحقر من نفسك فأنت على الطريق ولاتجزع واعمل ماعليك من واجبات وظن بربك خيرا
يقول نعالى فى الحديث القدسى(أنا عند ظن عبدى بى فليظن عبدى ماشاء فإن كان خيرا فخير وإن كان شر فشر)والمؤمن الكيس الذى ينال رضا الله عز وجل ويظن بربه خيرا واعلم أنه أرحم منا بأمهاتنا وآبائناوأنه يعاملنا بفضله ولايعاملنا بعدله
فالجأ إلى ربك واسأله الثبات فى هذا الزمن ووالله لن يخذل الله عبدا يريد طاعنه
والله أسأل أن يثبتنى وإياك على الحق وأن يقينا شرور أنفسنا ولايكلنا إلى أنفسنا طرفة عين وأن يجنبنا هوى أنفسنا وألايجعل للشيطان علينا سبيلا .احبكم فى الله.
سبحانك اللهم وبحمدك أشهد ألاإله إلا أنت استغفرك وأتوب إليك
لاتنسونى من دعوة بظهر الغيب
والسلام عليكم ورحمة الله وبركاته
أخــــــــــــــــــــــــــــــــــــــــــــــــوكم
أبــــــــــــــــــــــــــو عبـــــــــــــــــــــــــــــــد الــــــــــــــــــــــــــــــــــــــــــــــــــــــــــــــــــــــــرحــــــــــــــــــــــــــــــــــــــــــــــــــــمــــــــــــــــــــــــــــــــــــــــــن

» درس الشباب